Ich hôrt ûf der heide
lûte stimme und süezen klanc.
dâ von wart ich beide
fröiden rîch und trûrens kranc.
nâch der mîn gedanc sêre ranc unde swanc,
die vant ich ze tanze dâ si sanc.
âne leide ich dô spranc.

Ich vant si verborgen
eine und ir wengel naz,
dô si an dem morgen
mînes tôdes sich vermaz.
der vil lieben haz tuot mir baz danne daz
dô ich vor ir kniete dâ si saz
und ir sorgen gar vergaz.

Ich vants an der zinnen,
eine, und ich was zir besant.
dâ moht ichs ir minnen
wol mit fuoge hân gepfant.
dô wând ich diu lant hân verbrant sâ zehant,
wan daz mich ir süezen minne bant
an den sinnen hât erblant.

Übertragung ins Neuhochdeutsche:

Ich hörte auf der Heide helle Stimme und süßen Klang. Davon wurde ich beides, reich an Freude und frei von Schwermut. Zu der mein Gemüt so sehr strebte und hinflog, die fand ich beim Tanze, wo sie sang. Ohne Kummer sprang auch ich da.

Ich fand sie in einem Versteck alleine und ihre Wangen nass, als sie am selben Morgen sich fest entschlossen hatte, mich zu töten. Die feindliche Gesinnung der heiß Geliebten empfinde ich wohltuender als das Erlebnis, wie ich vor ihr kniete, wo sie saß und ihren Kummer völlig vergaß.

Ich fand sie auf der Zinne alleine, und sie hatte mich holen lassen. Dort hätte ich ihr geschickt ein Pfand ihrer Liebe abnehmen können. Da glaubte ich, dass die Erde auf der Stelle in Flammen aufging, doch hat mir nur das süße Band ihrer Liebe die Sinne geblendet.